Actualitats
Estranha tuariá en Arpitània
Una familha anglesa e un ciclista son estats fusilhats près del Lac d’Anecí, doas drolletas an subreviscut
La polícia francesa es a enquestar sus un misteriós assassinat multiple en Arpitània, près del Lac d’Anecí. Ièr dimars, a mièjanuèch, trobèron quatre personas assassinadas, tres dins una veitura, e la quatrena, un ciclista que jasiá al costat de l’auto. Las quatre personas mòrtas son estadas fusilhadas, del temps que doas mainadas son estadas trobadas vivas.
La pus jove de las drolletas, l’an trobada illesa, jos las cambas dels cadavres de la maire e de la mameta. La siá sòrre ainada, grèvament ferida, es estada espitalizada e la siá vida es pas en perilh.
Las victimas del veïcul fasián partida d’una familha anglesa en vacanças dins un camping del parçan. En lo luòc del crime, s’es trobat un grand nombre de duèlhas de balas, probablament d’una arma automatica.
Un ciclista que passava pel luòc descobriguèt lo masèl e avertiguèt la polícia. La gendarmariá a desplegat 60 personas e un elicoptèr per cercar qualque pròva qu’explique lo multiple crime.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pudís a plomb de per las maissas. Las drolletas poirà rodar dins Kill Bill III & IV. The show must go on !
Aqueste còp serà pas en Dominici!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari